ހަތް މުށުން ފެހި ކޮޅުދާލި ހެދުންކޮޅު

ގަންނަނީ ހަތް މުށް ފޮއްޗެވެ. ނަމަވެސް ލެވެނީ ކޮޅުދާލި ފޮތިން ހެދުން ފެހި ފަދައިންނެވެ. ޕެޗް އިރަ އިރައިގެން ނުދިޔަ ނަމަ ދެން ލާނީ ތަތް ލަވާފައިވާ "ބޮޑީ ޕެއިންޓެކެވެ".

މަގުމަގުން ހޯގޮވާލައި ކަންކަންމަތީން ސަލާމް ބުނެލުމުން ، ނުރުހުމުގައި "ހޫން" ހޫން" ޖަހާލިޔަސް ހިތް ހުންނަނީ އުފަލުން "އެކްސައިޓެޑް" ވެފައެވެ.

ކޯތާފަތުގައި ކޭއްތުނު ޗޯކު ތަކާއި، ޖަމަލެއްހެން ނަގާފައިވާ ހުޅިގަނޑަށް "ކޮމްޕިލިމެންޓެއް" ލިބުމުން އޯސަމް ޑޭއަކަށް ވީއެވެ.

ނަރަކައިގެ އަޒާބުގެ ވާހަކަތައް ދައްކާ އުޅެމުއެވެ.  ނަމަވެސް އަމިއްލަ ނަފްސު އެބިރުވެރި ތަނުގެ އަހުލުވެރިއަކަށްވާއިރުމެ ނޭނގުނުއެވެ.

އެވެރީން އަހަރުމެން މަގުފުރައްދައިފިއެވެ.

ބިރުވެރިކަމާއި ނާމާން ކަން ފެތުރިއްޖެއެވެ. ޖާހިލުކަމާއި އަނިޔާވެރިކަން އާއްމު ވެއްޖެއެވެ. ދީނެއް އުސޫލެއް ، އުޅުމެއް އަޚުލާގެއްނެތި އިންތިހާއަށް ހައްދުފަހަނައަޅައި ހިގައްޖެއެވެ. އާއެކެވެ. މި ދިވެހިރާއްޖޭ ގައި މިހާރު މިދެކެމުންދަނީ މީން ދުވަހަކުވެސް ފެނިފައިނުވާ ފަދަ ނުބައި ނުލަފާ ޖާހިލު ކަމުގެ ދުވަސްވަރެކެވެ.

މިހާރު މި ފަސްގަޑުގައި މިފެނިގެންދަނީ ، ނިކަމެތި މަނި ތިއްކަކުން އުފެދުނު ނުހިނގިފައި ފިރުކިފައި ވެއްޓިފައި އުޅުނު ، ނަޖިސްތައް ބަޑުގައި އުފުލާ ހާލު ބިންމަތީ ހިނގާ އުޅޭ ، ސިކުނޑީގެ ކުޑަކުޑަ ނާރަކަށް ފިތިލާއިރަށް މަރުވެގެން ވެއްޓޭ  ބޮޑާ ކިބުރުވެރި އިންސާނުންތަކެއް އެބައިމީހުން ޚަލްޤު ކުރެއްވި މަތިވެރި ރައްބު މަތިން ހަނދާން ނެތިގެން ދިޔަ ތަނެވެ.